Amdanom ni

Rydym ni yng Nghylch Meithrin Yr Eglwys Newydd yn eich croesawu chi a’ch plentyn yn gynnes iawn. Rydym am weld eich plentyn yn cael pob cyfle i gymdeithasu a datblygu’n dda gyda ni o’r cychwyn cyntaf hyd nes i’ch plentyn symud ymlaen i’r ysgol gynradd.

​

Ysgol Feithrin Gymraeg yw Cylch Meithrin Yr Eglwys Newydd ar gyfer plant 2-4 oed, ond mae croeso i bob plentyn yn y cylch dim ots beth yw’r iaith sy’n cael ei siarad yn y cartref. Mae'r gofal ar gael i'r disgyblion sydd yn mynychu meithrin rhan-amser Ysgol Melin Gruffydd a hefyd ar gyfer gofal plant 30 awr. 

​

Mae’r gweithgareddau strwythuredig yn cynnwys paentio, blociau, lliwio, fideos, jigsos, dawnsio, cerddoriaeth, ioga, tywod, amser stori, dŵr a chwarae dychmygol.

​

Mae’r Arweinydd yn paratoi cynlluniau gwaith ar gyfer bob hanner tymor . Byddant yn cynnwys gweithgareddau sydd wedi eu gwreiddio yng ngofynion fframwaith Cwricwlwm i Gymru ar gyfer sicrhau datblygiad plant drwy’r llwybrau datblygu canlynol :

• perthyn

• cyfathrebu

• archwilio

• datblygiad corfforol

• lles

​

​